Oarsoaldeko Hitza

2008-07-17 | 13:02:23

Pasaiako Portuak ekoportua eraiki nahi du

Ekoportua eraikitzeko plan estrategikoa aurkeztu du

Pasaiako Portuko Agintaritzak ekoportua eraikitzeko 2009-2020 plan estrategikoa aurkeztu du. Agintaritzak jakinarazi duenez, biztanleen esku jarriko dira 80 lur hektarea.

Erantzun 1

2008-07-15 | 17:09:54

Txikiak gustura karmenetan

Betizuen lan berriak harrera ona izan du barrutian

Etxeko txikienen eguna da gaur Trintxerpeko karmenetan. Goizean, ederki pasatu dute 'Betizu eta oilarraren kukurrukua' ikuskizunarekin.

Ez du erantzunik

2008-07-12 | 17:46:33

Karmenak, euriaren mehatxupean

Ez dute eguraldi atsegina gaur Trintxerpen karmenak ospatzeko. Hotz antzera egiten du, eta euri zaparradak izan dira goizean zein arratsaldean. Dena den, egitarauan prestatutako ekintzak ahalik eta normalen egiten, eta ahalik eta ondoen pasatzen ahalegintzen ari dira herritarrak. Euri zaparradekin esnatu da eguna. Azokaren ondoan 10:30erako iragarritako toka eta bote txapelketa ezin izan dute egin, beraz. 11:30ak aldera atertu du eta goizeko gainontzeko ekitaldiak antolatu bezala atera dira. 12:00etan erraldoiak eta buruhandiak Gudarien plazan eta Serafin Esnaola plazan egon dira, etxeko txikienen gozagarri. Ordu berean, hainbat erretiratu bildu dira mezara. Herri kirolak 12:30ean hasi dira Azoka ondoan. Jende dezente bildu da Ruben Saralegi; Aratz Mugerza eta Jose Etxebeste aizkolarien, eta Mieltxo Saralegi harrijasotzailearen erakustalda ikusteko.

Ez du erantzunik

2008-07-09 | 10:43:14

'Pobre de mi' abestu dute antxotarrek, sanferminei agur esateko

Betiko ohitura da, baina urtero errepikatzeagatik ere, antxotarrek ezin dute hunkituta daudela ezkutatu sanferminen bukaeran. Izan ere, 'Pobre de mi' abesten dutenean, urte osoan zain izandako jaiei agur esaten ari baitira. Tira, 2009an ere sanferminak izango dira, eta horrek, zentzu batean, lasaitasuna ematen die antxotarrei. Bi bideo hauek atzokoak dira, Gure Zumardian egin zen 'Pobre de mi'-koak.

Ez du erantzunik

2008-07-08 | 16:13:36

Termikari emandako baimena «ilegala» dela salatu du Greenpeacek

Baimena emateagatik, Eusko Jaurlaritzako Ingurumen Sailaren aurkako helegitea jarri dute ekologistek

Pasaiako termikari emandako Ingurumen Baimen Integratua «legez kanpokoa» dela salatu du Greenpeacek, eta helegitea jarri du Eusko Jaurlaritzako Ingurumen Sailak baimen hori atzera botatzeko.

Ez du erantzunik

2008-07-07 | 12:50:10

Azken txanpan sartu dira sanferminak

Gaur, barrutiko zaindariaren eguna ospatzen ari dira antxotarrak

Nekea nabaritzen hasi da Antxon. Izan ere, jai asteburu latza izan dute antxotarrek sanferminen ospakizunekin, eta gaur, zaindariaren egunean, aurreko egunetan egindako parrandak eragina izan du herritarren gorputzean. Baina gaur, hala ere, dituzten indar apurrak kalean utziko dituzte herritarrek, San Fermin eguna baita: Saltseroak konpartsa kalean da jada, Xabier Portugal Saltsero Nagusiarekin. Arratsaldean, herri kirolak izango dira, besteak beste, gure zumardian. Jarraian dagoen bideoa atzokoa da, Xaxordaren eskutik egin zen festa brasildarrekoa.

Ez du erantzunik

2008-07-03 | 17:50:14

Dena prest dago Antxon sanferminetarako

Bihar, 20:00etan. Orduan hasiko dira Antxon sanferminak. Herrian gaur buru belarri dabiltza lanean, biharko dena prest egon dadin. Ferianteak, tabernariak, txosnetan... mugimendurik ez da falta. Bihar hasi eta asteartea bitartean jaiak ez du etenik izango Antxon; kontzertuak egunero, konpartsak, danborradak, desfileak..., jai egiratarau oparoa prestatu du dataozen egunetarako barrutiko Jai Batzordeak.

Ez du erantzunik

2008-07-03 | 17:20:12

Asteazkenean hilda agerturiko marinelaren heriotza «sakon ikertzeko» eskatu du UGT sindikatuak

Gertakaria lan istriputzat jo du, eta aurten jada 39 hildako izan direla azpimarratu du

Asteazken goizean Pasaiako Portuan hilda agerturiko marinelaren heriotza «sakon argitzeko» eskatu du Pilar Collantesek, Euskadiko UGT sindikatuko Lan Osasunaren Arloko buruak, atzo komunikabideetara bidalitako ohar baten bitartez. Portugalgo 42 urteko marinelaren gorpua asteazken goizean atzeman zuten Trintxerpen, 08:00ak aldera. Antza, Nathalie Chantal II itsasontziko marinela goizaldean ontzira itzultzean izan zen gertakaria. Antza denez, itsasontzira igotzen ari zela, orekari ezin izan zion eutsi eta uretara erori zen. Ontzian lotan zeuden lankideak ez ziren gertatutakoaz ohartu, eta marinela bertan ito zen. Euskadiko UGT sindikatuak lan istriputzat jo du gertakaria, eta gogora ekarri du aurten dagoeneko 39 langile zendu direla lan istripuetan. Guardia Zibila asteazkenean bertan hasi zen ikertzen gertaturikoa, zer gertatu zen argitze aldera. Nathalie Chantal II itsasontzia igandetik dago Trintxerpen. Frantziako bandera du, baina Kantabriako armadoreena da.

Ez du erantzunik