Oarsoaldeko Hitza

2008-11-13 | 12:25:13

Antxoko Liburutegiko Marrazki eta Pintura Lehiaketa abian da

Lau eta 14 urte bitarteko haurrek hartu dezakete parte

Urtero bezala, Antxoko Udal Liburutegiak Marrazki eta Pintura Lehiaketa jarri du abian. Pasaian bizi edo ikasten duten lau eta 14 urte bitarteko haurrek har dezaketa parte lehian. Bete beharreko baldintza honakoa: marrazkiaren gaia "Gabonak" izango da. Izena emateko azken eguna hilaren 25a izango da, eta, 28a, lanak entregatzekoa.

Ez du erantzunik

2008-11-12 | 18:28:03

Azken egunetako euriteek uholdeak sortu dituzte Molinaoko bidean

Miranda tabernan bi metroko altueraraino iritsi da ura; Molinaoko bizilagunek arazoak dituzte auzora joateko

Azken ordutan izan diren euri zaparradengatik uholdeak sortu dira berriz ere Molinao alderako bidean. Bide horretan dagoen Miranda tabernan, esaterako, bi metroko altueraraino iritsi da ura. «Guztiz aspertuak gaude. Amesgaiztoa da hau. Euri asko egiten duen bakoitzean, marea igotzearen beldur gara: uholdeak izaten ditugu beti», azaldu dute Miranda tabernako arduradunek. Gainera, ondoan Luzuriagan etxebizitzak egiten ari direla-eta kexu agertu dira inguruko bizilagunak: «Lan horiekin hasi zirenetik are larriagoa da egoera».

Ez du erantzunik

2008-11-12 | 13:18:17

Organo eta txistu kontzertua Donibaneko elizan, larunbatean

San Juan Bataiatzailearen parrokiko organuaren mendeurrena ospatzeko azken kontzertua izango da

Aurten Donibaneko Joan Bataiatzailearen elizan dagoen organoak 100 urte bete ditu, eta Itsas Mendi Elkarteko kideek ez dute aukera galdu nahi izan urteurrena behar bezala ospatzeko. Hori dela eta larunbatean, 19:45ean, Jose Ignazio Ansorena, Donostiako Udaleko Txistulari Taldeko zuzendariak eta Koro Saenz, Donostiako San Vicente parrokiako organistak kontzertua eskainiko dute. Ekitaldi honekin Itsas Mendiko Kultura Sailak bukaera emango dio organuaren mendeurrena ospatzeko egindako ekitaldi sortari.

Ez du erantzunik

2008-11-10 | 12:26:05

Hugoenea idazleen etxea zabalduko dute Donibanen

Euskal Idazleen Elkarteak eta Pasaiako Udalak hitzarmena sinatu dute sorkuntzarako aterpea zabaltzeko

Hugoenea idazleen etxea zabalduko dute Donibanen. Idazten lan egiteko etxea izango da. Hori posible egiteko, Pasai Donibaneko plazan bertan etxebizitza atondu du Udalak, eta idazleen eskura jarriko du laster. Etxe txikia da, lagun batentzako lain, eta interneten aritzeko azpiegitura izango du, ordenagailua barne. Sukaldea ere, moldatua. Idazleek bi aste eta hilabete bitarteko egonaldiak egin ahal izango dituzte bertan.

Erantzun 1

2008-11-08 | 11:14:28

Hasi dira perretxikoak iristen Antxora

Basari Elkartearen X. Asteburu Mikologikoaren baitan, gaur, perretxikoen bila joan dira antxotarrak

X. Asteburu Mikologikoa ari dira burutzen Antxon, Basari Elkarteak antolatuta. Goiz-goizetik perretxikoen bila joan dira mendira antxotarrak, eta 10:00etan, Azokan, bildutako perretzikoak jasotzen ari dira Antxoko Azokan. 14:30ak arte dago aukera hartutakoa Azokan uzteko. 16:30etik aurrera, Aranzadi Zientzia Elkarteko ordezkariek iritsi diren perretxiko guztiak sailkatuko dituzte; bihar, 10:00etatik 14:30era, Gure Zumardian, sailkatutako perretxikoekin erakusketa jarriko dute.

Ez du erantzunik

2008-11-08 | 11:07:06

Sanpedrotarra Arraun Elkateari omenaldia egingo dio gaur Ondartxo Abesbatzak

Musika Abesbatza Astearen baitako kontzertuan, Kanpaiazpi otxoteak arraun taldearen historia hamar zatitan kantatuko du

Gaur, Ondartxo Abesbatzak antolatu duen XXXII. Musika Abesbatza Astearen baitako bigarren kontzertua izango da, 19:00etatik aurrera, San Pedroko elizan. Kanpaiazpi otxoteak San Pedroko arraunaren historia hamar abestirekin laburbilduko du. Arratseko saioan omenaldi berezia egingo diote Sanpedrotarra Arraun Elkarteari, aurten 50 urte bete dituelako elkarteak.

Ez du erantzunik

2008-11-07 | 13:31:41

Zaborraren tasa %18 igotzea onartu du udalbatzarrak

Oro har, udal tasen igoera %4,5ekoa izango da; Gobernu Taldeak, EAJk eta EAk emandako aldeko botoekin onartu zituzten igoerak atzo

Atzoko udalbatzarrean 2009rako tasak onartu zituzten zinegotziek. Horien artean, zaborraren tasa %18 igotzea onartu zuten. Igoera horrekin, 50 bat euro ordainduko dute bizilagunek urtean. Igoera ikusita, diru hori bi alditan ordaindu ahal izango dute herritarrek.

Erantzun 1

2008-11-07 | 11:57:37

Portu Agintaritzako Kontseiluak Plan Estrategikoa onartu du

Nabalaldearen ordenaziorako hitzarmena ere onartu dute gaur goizean egindako batzarraldian

Pasaiako Portuko Administrazio Kontseiluak, Portuko Plan Estrategikoa nahiz Oarsoaldeko Industrialdeak-ekin kolaborazio hitzarmena onartu du gaur goizean, Pasaiako Portuan egindako batzarrean. Onartutako Plan Estrategiko horren arabera, Pasaiako Portu Agintaritza «Portuan egiten diren aktibitate sozioekonomikoak, plan iraunkorrak eta teknologikoak garatu eta kontsolidatzera behartuta dago». Horretarako Portu Agintaritzak Ekoportua garatu nahi du «inguruko beharrei erantzuna emateko».

• Jaizkibel Bizirik-ek protesta egin du Gomistegin, «Portuko Plan Estrategikoa onartzen ez dugulako»
• Jaurlaritzako Ingurumen Sailak, LABek, ELAk eta Lezoko Udalak, kontrako botoa eman dute

2 erantzun