Oarsoaldeko Hitza

Gaur goizean aurkeztu dute Pasaiako Portuan IKERFELek, Merkatu eta Marketing estrategikoen ikerketak egiten dituen enpresak, egin duen ikerketa. Honen arabera, gipuzkoarren %70 gutxi gorabehera Pasaiako Portuaren kanpo irteeraren alde dago.

Gaur goizean aurkeztu dute Pasaiako Portuan IKERFELek, Merkatu eta Marketing estrategikoen ikerketak egiten dituen enpresak, egin duen ikerketa. Honen arabera, gipuzkoarren %70 gutxi gorabehera Pasaiako Portuaren kanpo irteeraren alde dago. Aurkezpenean Joxe Joan Gonzalez de Txabarri, Pasaiako Portuko lehendakaria, Gregorio Irigoien, Pasaiako Portuko zuzendaria eta Jose Manuel Fernandez, IKERFELeko zuzendaria izan dira. Azken honek eman ditu ikerketaren nondik norakoak: “Biztanleriaren %70ari kanpo irteeraren proiektua babestera eraman duten arrazoi nagusienak ekonomikoak eta bizi-kalitatearen hobekuntzarekin zerikusia dutenak dira. Pasaiako Portua bilakatu da, denboraren poderioz, Gipuzkoako ekonomiaren zutabe garrantzitsuenetako bat, jarduera eta lanpostu ugari sortzen baititu, zuzenean eta zeharka”.
Hala eta guztiz ere, aurkakorik pentsatzen duenik ere bada, lanpostuak gutxitzen dituela eta trafikoa ugarituko duela. IKERFELen arabera, kanpo kaiaren aurka daudenak %12a da eta “arrazoi bakarra da nagusitzen dena: ingurumen-inpaktua eragingo duela, Jaizkibelekiko bereziki”. Joxe Joan Gonzalez de Txabarriren hitzetan, “ingurugiroari eragingo diola argi dago, baina %12 honi arreta jarri behar zaio, hau aztertuko dugu”.