Oarsoaldeko Hitza

Mintzalaguna, euskaraz hitz egiteko laguna

Ikasturte honetan ere Mintzalaguna egitasmoa jarri dute martxan gure eskualdeko herrietan, Oarsoaldeko Euskara Zerbitzuak, eskualdeko lau udalek, AEK-k, udal euskaltegiek eta Lau Haizetara eta Abaraska euskara elkarteek sustatuta. Egitasmoaren helburu nagusia da euskalduntzen ari diren pertsonei edota euskara erabiltzeko aukerarik ez dutenei, herritar euskaldunekin elkartu eta astero euskaraz hitz egiteko aukera eskaintzea. Bideoan ageri diren Edurne Canchok eta Haizea Maritxalarrek, adibidez, Errenteria-Oreretako Mintzalaguna egitasmoan parte hartzen dute, elkarrekin, eta oso positibotzat jotzen dute ekimena. Horregatik, bideo honen bidez, Mintzalagunan parte hartzera animatu nahi dituzte herritarrak.

GAIA: euskara