Oarsoaldeko Hitza

Pasaiatik ibilbidea proposatu du Renfek

Turismoa Donostia inguruko bost ibilbide biltzen dituen 2.000 gida banatzen ari da trenbide konpainia

n. vega

Turistentzako gida bat egin du Renfe Espainiako trenbide konpainia publikoak, eta bertan Pasaiatik ibilbide bat egitea proposatzen du. Donostia eta inguruetako bost ibilbide bildu ditu Renfek, eta proposamenekin 2.000 gida banatu ditu hoteletan eta turismo informazio bulegoetan. Trenaren erabilera bultzatzeaz gain, Donostia inguruko eskaintza kulturala azaltzen du bertan, konpainiak berak jakinarazi duenez.

Gidak euskaraz eta gazteleraz kaleratu ditu Renfek, Aldirietan egun berezi bat bizi ezazu izenburupean. Dohainik banatzen ari dira hoteletan, turismo bulegoetan, zentro kulturaletan eta udalerrietako informazio guneetan.

Egun bateko bisitak edo arratsalde batekoak erakusten ditu gidak, Donostiatik trena hartuta bisitatu daitezkeenak: Irun, Txingudiko badia, Pasaia, Andoain edo Tolosa. Guztira, bost ibilbide Gipuzkoatik. Gipuzkoarrentzako zein turistentzako egokiak direla dio Renfek.